ქ. კუალა ლუმპურში ქართული ფილმის ჩვენება

მოგახსენებთ, რომ ა.წ. 17 ივნისს მალაიზიაში საქართველოს საელჩოსა და ევროკავშირის კულტურის ინსტიტუტების (EUNIC) მალაიზიის ფილიალის თანაორგანიზებით, ქ. კუალა ლუმპურში მდებარე Golden Screen Cinemas-ს (GSC სამხრეთ-აღმოსავლეთ აზიის რეგიონში კინოთეატრების უმსხვილესი ქსელია) კინოთეატრში შედგა ქართველი რეჟისორის, ზაზა ურუშაძის მხატვრული ფილმის „მანდარინების“ ჩვენება.

ღონისძიებას 105 მაყურებელი დაესწრო, მათ შორის ქ. კუალა ლუმპურში აკრედიტებული დიპლომატიური კორპუსის წარმომადგენლები და ადგილობრივი საზოგადოება. მხატვრული ფილმის ჩვენების შემდეგ სტუმრებს გავუმასპინძლდით ქართული ყველითა და ღვინით.